រថយន្តធុនធំ រេចង្កូតធ្លាក់ផ្លូវ បួងចង្កូត មកវិញចូលបុកឡាយស្តារិច បណ្តាលឲ្យរបួសម្នាក់
14-May-2019 | ដោយ ពលមនសិការ
ព្រះសីហនុ៖ នៅវេលាម៉ោង២នឹង២៥នាទីថ្ងៃទី១៤ ខែឧសភា ឆ្នាំ២០១៩ មានគ្រោះថ្នាក់ចរាចរណ៍កើតឡើង នៅផ្លូវជាតិលេខ៤ គីឡូម៉ែត្រលេខ១៦៥-១៦៦ ស្ថិតនៅភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។
មន្ត្រីនគរបាលខេត្តព្រះសីហនុ បានឱ្យដឹងថារថយន្តម៉ាកGRANSTO ពណ៌ស ពាក់ស្លាកលេខភ្នំពេញ 3E-0402 មិនទាន់ស្គាល់ អត្តសញ្ញាណអ្នកបើកបរមានទិសដៅពីខេត្តព្រះសីហនុទៅភ្នំពេញដល់ចំណុចខាងលើបានរេចង្កូតមកខាងស្តាំធ្លាក់ផ្លូវ ហើយបួងចង្កូតមកវិញបានជ្រុលមកខាងឆ្វេងដៃក្រឡាប់តែម្តងខណៈពេលនោះមានរថយន្ត១គ្រឿងម៉ាក STAREX ពណ៌ទឹកប្រាក់ ពាក់ស្លាកលេខ 2A-7737 ដែលមានទិសដៅផ្ទុយគ្នាបានបុកតែម្តង អ្នកបើកបរឈ្មោះ មឺន សុខជា មានទីលំនៅភូមិបានគៀប ឃុំដងពែង ស្រុកស្រៃអំបិល ខេត្តកោះកុង និងអ្នករួមដំណើរចំនួន១នាក់។
មន្ត្រីនគរបាលដដែលបន្តថា គ្រោះថ្នាក់នេះបណ្ដាលរងរបួសម្នាក់ឈ្មោះ មឺន សុខជា អ្នកបើកបររថយន្ត STAREX របួសមធ្យម បានបញ្ជូនមកព្យាបាលនៅគ្លីនិចឯកជន លិ គឹមឌី វាលរេញ។ រថយន្តទាំង ២គ្រឿង បានយកមករក្សាទុកនៅអធិការដ្ឋាននគរបាលស្រុកព្រៃនប់ ៕
ចំនួនអ្នកទស្សនា
- ថ្ងៃនេះ2651
- ម្សិលមិញ6261
- សប្តាហ៍នេះ21031
- ខែនេះ136181
- ឆ្នាំនេះ136181
- សរុប20578637